ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒃ ᓱᓕ ᐊᖏᕐᓯᒪᒻᒪᑦ ᐃᑲᔪᖃᑦᑕᕈᒪᓪᓗᑎᒃ ᐊᓪᓚᓂᑦ, ᐃᓄᓐᓂᑦ ᐊᓪᓚᖓᔪᓂᓪᓗ ᐃᓅᓱᑦᑐᓂᑦ ᓇᒥᑐᐃᓐᓇᖅ ᓄᓇᓕᓐᓂᑦ ᐱᖓᓐᓇᕐᒥᑦ ᕿᑎᐊᓂᑦ ᑲᓇᓐᓇᕐᒥᓗ ᓄᑖᖑᓕᖅᑐᑎᒃ ᖃᓄᖅᑑᕈᑎᔅᓴᐃᑦ ᐸᕐᓇᐅᑏᑦ
ᐊᕐᕌᒍᓄᑦ 2023-2026 ᖃᓄᖅᑑᕈᑎᔅᓴᐃᑦ ᐸᕐᓇᐅᑏᑦ ᐋᖅᑭᔅᓱᐃᕙᓪᓕᐊᒍᑎᖃᕐᖓᑕ ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᐅᑉ ᐱᕙᓪᓕᐊᓂᖓᓂᒃ ᐋᖅᑭᐸᓪᓕᖁᓪᓗᒋᑦ ᖃᕋᓴᐅᔭᒃᑯᑦ−ᐃᓱᒪᓕᕆᓂᕐᒧᑦ ᐃᑲᔫᑎᒋᕙᑦᑕᖏᓐᓂᒃ ᐃᓄᓱᑦᑐᓄᑦ ᐊᓪᓚᓄᑦ, ᐃᓄᓐᓄᑦ ᐊᓪᓚᖓᔪᓄᓪᓗ ᐊᔾᔨᒌᑎᑦᑎᔪᒥᒃ, ᐊᑐᕋᐃᓐᓇᐅᓪᓗᑎᒃ ᐊᒻᒪᓗ ᐃᓕᖅᑯᓯᖏᓐᓂᒃ ᐃᑉᐱᒍᓱᑦᑐᑎᒃ
ᑕᐃᒪᒥᑦ ᓯᕗᓪᓕᕐᐹᒥ ᑎᑎᕋᖅᑕᐅᓚᐅᕐᓯᒪᒻᒪᑕ ᓇᓂᓯᓂᖅ ᓂᕆᐅᒋᔭᔅᓴᒥᒃ ᓴᖅᑭᖅᑕᐅᓪᓗᑎᒃ 2019ᒥ, ᐅᖄᓚᖃᑦᑕᕐᕕᒃ ᐱᕙᓪᓕᐊᓯᒪᓪᓚᕆᒻᒪᑦ. ᑭᓯᐊᓂ, ᑕᐃᒪᔾᔮᖅ, ᓱᓕ ᐊᑯᓂᐅᓂᐊᕐᒥᒻᒪᑦ. ᐱᒋᐊᖅᑎᑕᐅᓯᒪᔪᖅ ᐊᒻᒪᓗ ᐃᖏᕐᕋᐃᓇᖅᑐᖅ ᐃᓕᖅᑯᓯᖃᑎᒋᙱᑕᑦᑎᓐᓄᑦ ᐊᐅᓚᑕᐅᓂᖅ ᓱᓕ ᓱᒃᑯᑎᕆᔪᓂᑦ ᐊᑑᑎᓂᖃᖃᑦᑕᕐᖓᑦ ᐃᓱᒪᒃᑯᑦ, ᐃᑉᐱᓐᓂᐊᓂᒃᑯᑦ, ᑎᒥᒃᑯᑦ ᐊᒻᒪᓗ ᐅᑉᐱᓂᒃᑯᑦ ᐃᓅᓯᖏᓐᓂᒃ ᐃᓅᓱᑦᑐᐃᑦ ᓄᓇᖃᖅᑳᖅᑐᑦ.
ᐃᖃᓗᐃᑦ (ᓄᓇᕗᑦ), ᐅᑐᐱᕆ 3, 2023 — ᑲᒪᒋᔭᐅᕙᓪᓕᐊᖏᓐᓇᖁᓪᓗᒋᑦ ᐊᔾᔨᒌᑎᑦᑎᓂᕐᒧᑦ ᐊᐳᖅᑕᕈᑕᐅᕙᑦᑐᑦ ᖃᕋᓴᐅᔭᒃᑯᑦ−ᐃᓱᒪᓕᕆᓂᕐᒧᑦ ᐃᑲᔫᑎᐅᕙᑦᑐᓂᑦ ᐊᒻᒪᓗ ᓲᖑᓂᕐᓴᒥᒃ ᑲᑦᑐᖓᐃᕈᑎᖃᕐᓯᒪᓂᐊᕐᖓᑕ ᓱᓕᔪᒥᒃ ᐊᒻᒪᓗ ᓴᐃᒪᖃᑎᒌᓐᓂᕐᒧᑦ, ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒃ (KHP) ᓴᖅᑭᑎᑦᑎᒻᒪᑕ ᓴᓂᓯᓂᖅ ᓂᕆᐅᒋᔭᔅᓴᒥᒃ: ᐅᖄᓚᖃᑦᑕᕐᕕᐅᑉ 2023-2026 ᖃᓄᖅᑑᕈᑎᔅᓴᐃᑦ ᐸᕐᓇᐅᑎᖏᑦ ᐃᑲᔪᕐᓂᕐᒧᑦ ᐊᓪᓚᓂᑦ, ᐃᓄᓐᓂᑦ ᐊᓪᓚᖓᔪᓂᓪᓗ ᐃᓅᓱᑦᑐᓂᑦ. ᐱᓕᕆᔪᑦ ᑲᑐᔾᔨᖃᑎᖃᖅᑐᑎᒃ ᐊᓪᓚᓂᑦ, ᐃᓄᓐᓂᑦ ᐊᓪᓚᖓᔪᓂᓪᓗ ᐊᒻᒪᓗ ᑎᒥᐅᔪᓂᑦ, ᐅᖄᓚᖃᑦᑕᕐᕕᒃ 32ᓂᑦ ᖃᓄᖅᑑᕈᑕᐅᓗᐊᕐᓂᐊᖅᑐᓂᑦ ᑲᒪᒋᔭᖃᕐᓂᐊᕐᖓᑕ ᑎᑭᐅᑎᒍᒪᓪᓗᑎᒃ ᐱᖓᓲᔪᖅᑐᓄᑦ ᑐᕌᒐᐅᔪᒪᓪᓚᕆᑦᑐᓄᑦ ᐋᖅᑭᐸᓪᓕᖁᓪᓗᒋᑦ ᐃᓱᒪᓕᕆᓂᕐᒧᑦ ᐃᑲᔫᑎᐅᕙᑦᑐᑦ ᐃᓅᓱᑦᑐᓄᑦ ᓄᓇᖃᖅᑳᖅᑐᓄᑦ ᑭᒃᑯᑐᐃᓐᓇᕐᓄᑦ ᐊᔾᔨᒌᑎᑦᑎᔪᒥᒃ, ᐊᑐᐃᓐᓇᐅᓪᓗᑎᒃ ᐊᒻᒪᓗ ᐃᓕᖅᑯᓯᖏᓐᓂᒃ ᐃᑉᐱᒍᓱᑦᑐᑎᒃ.
ᓯᕗᓕᕐᓯᓂᖓᑕ ᓇᓛᓂ ᐅᖄᓚᖃᑦᑕᕐᕕᐅᑉ ᓄᓇᖃᖅᑳᖅᑐᓄᑦ ᐅᖃᐅᔾᔨᒋᐊᖅᑎᓂᑦ ᑲᑎᒪᔨᓂᑦ, ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒃ ᓄᓇᖃᖅᑳᖅᑐᓄᑦ ᐱᓇᓱᐊᕈᑎᖏᓐᓂᒃ ᐱᓕᕆᖃᑎᒌᑦ ᐊᑐᓕᖅᑎᑦᑎᕙᓪᓕᐊᓂᐊᖅᑐᑦ 2023-2026 ᓇᓂᓯᓂᕐᒧᑦ ᓂᕆᐅᒋᔭᔅᓴᒥᒃ ᖃᓄᖅᑑᕈᑎᓂᑦ ᐸᕐᓇᐅᑎᓂᑦ.
ᐊᖅᑯᑎᒋᓗᒋᑦ ᐱᔾᔪᑎᖃᓗᐊᖅᑐᑦ ᑐᓴᐅᒪᑎᑦᑎᓂᕐᒧᑦ ᐸᕐᓇᐅᑏᑦ, ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒃ ᓯᕕᑦᑐᕆᐊᖅᑎᑦᑎᓂᐊᖅᑐᑦ ᑕᑎᒋᔭᐅᔪᓐᓇᕐᓂᖏᓐᓂᒃ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐅᔾᔨᕈᓱᑦᑎᑦᑎᒋᐊᕈᑕᐅᓗᑎᒃ ᐃᑲᔫᑎᒋᕙᑦᑕᖏᓐᓂᒃ ᓄᓇᖃᖅᑳᖅᑐᓂᑦ ᓄᓇᓕᐅᔪᓂᑦ. ᖃᐅᔨᒪᓪᓗᑎᒃ ᐊᒥᓱᓂᑦ ᐃᓄᐃᑦ, ᐊᓪᓚᖓᔪᑦ ᐊᓪᓚᐃᓪᓗ, ᐱᓗᐊᖅᑐᒥᑦ ᐅᑭᐅᖅᑕᖅᑐᒥ, ᓄᓇᖃᖃᑦᑕᕐᖓᑕ ᐅᖓᓯᑦᑐᒦᑦᑐᓂᑦ ᐊᒻᒪᓗ ᐊᑐᖃᑦᑕᕐᖓᑕ ᐱᓇᐃᓗᑕᐅᕙᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᑎᓂᑦ, ᐅᖄᓚᖃᑦᑕᕐᕕᒃ ᐋᖅᑭᔅᓱᐃᓂᐊᖅᑐᖅ ᓄᑖᓂᑦ ᐋᖅᑭᐅᒪᔾᔪᑎᔅᓴᓂᑦ ᐃᑲᔫᑎᓂᑦ ᐊᑐᖃᑦᑕᕈᓐᓇᖁᓪᓗᒋᑦ ᐃᓅᓱᑦᑐᐃᑦ ᑲᓲᑎᒍᑎᔅᓴᓂᑦ ᐊᐳᖅᑕᕈᑎᖃᕐᐸᑦᑐᓂᑦ ᖃᕋᓴᐅᔭᒃᑰᖏᑦᑑᒐᓗᐊᖅ ᐊᑐᕋᔅᓴᖃᖁᓪᓗᒋᑦ ᐃᓱᒪᓕᕆᓂᕐᒧᑦ ᐃᑲᔫᑎᓂᑦ.
ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒃ ᓱᓕ ᖃᐅᔨᕙᓪᓕᐊᓇᓱᖃᑦᑕᓂᐊᕐᒥᔪᑦ ᐱᓇᓱᐊᕋᔅᓴᓂᑦ ᐋᖅᑭᐸᓪᓕᖁᓪᓗᒋᑦ ᑐᐊᕕᕐᓇᖅᑐᓂᑦ ᑕᑯᔭᔅᓴᕈᖅᑎᑦᑎᓂᕐᒧᑦ ᐱᓕᕆᔾᔪᓯᐅᕙᑦᑐᓂᑦ ᑲᓲᑎᖃᑦᑕᖁᓪᓗᒋᑦ ᐃᓅᓱᑦᑐᑦ ᓄᓇᖃᖅᑳᖅᑐᑦ ᐊᑦᑕᓇᙱᓂᕐᓴᓂᑦ ᑐᐊᕕᕐᓇᖅᑐᒥᒃ ᐃᑲᔪᖅᑕᐅᕕᔅᓴᖃᖁᓪᓗᒋᑦ ᓈᒻᒪᑦᑐᓂᑦ ᐃᑲᔪᖅᑕᐅᔾᔪᑎᒋᒋᐊᓕᖏᓐᓂᒃ.
ᐊᖅᑯᑎᒋᓗᒋᑦ 2023-2026 ᓇᓂᓯᓂᕐᒧᑦ ᓂᕆᐅᒋᔭᔅᓴᒥᒃ ᖃᓄᖅᑑᕈᑏᑦ ᐸᕐᓇᐅᑏᑦ, ᐅᖄᓚᖃᑦᑕᕐᕕᒃ ᓴᖅᑭᑎᑦᑎᓂᐊᖅᑐᑦ ᐱᖓᔪᒋᓕᖅᑕᖓᓂᒃ ᓄᓇᖃᖅᑳᖅᑐᓄᑦ ᐱᓕᕆᐊᕐᒥᑦ, ᓄᑖᓂᑦ ᐊᖅᑯᑎᓂᑦ (ᐅᔾᔨᕈᓱᑦᑎᑦᑎᒋᐊᒃᑲᓂᕐᓗᑎᒃ ᐅᖄᓚᖃᑦᑕᕐᕕᐅᑉ ᐃᑲᔫᑎᒋᕙᑦᑕᖏᓐᓂᒃ ᐃᓅᓴᓐᓂᕐᓴᓂᑦ ᐅᖓᓯᑦᑐᒦᑦᑐᓄᓪᓗ ᓄᓇᓕᓐᓄᑦ ᐊᓪᓚᓄᑦ, ᐃᓄᓐᓄᑦ, ᐊᓪᓚᖓᔪᓄᓪᓗ ᐊᑐᖃᑦᑕᕐᓗᑎᒃ ᓯᓚᒥ ᓇᓗᓇᐃᒃᑯᑕᓕᐊᖑᓯᒪᔪᓂᑦ ᓴᖅᑭᔮᕐᕕᓐᓂᑦ, ᐊᑐᕆᐊᑦ ᓇᓗᓇᐃᒃᑯᑕᖏᓐᓂᒃ, ᐊᓐᓂᑭᑦᑐᕐᕖᑦ ᐊᕙᓗᖏᓐᓂᒃ ᐊᒻᒪᓗ ᐃᓪᓗᐃᑦ ᓯᓚᑕᖏᓐᓂᒃ ᐊᒥᐊᖅᑕᐅᓯᒪᔪᓂᑦ). ᐅᖄᓚᖃᑦᑕᕐᕕᒃ ᓯᕕᑦᑐᕆᐊᖅᑎᑦᑎᓂᐊᖅᑐᑦ ᖁᕕᐊᓇᕐᓂᕐᓴᓂᑦ ᐅᓪᓗᓂᑦ (ᓄᓇᖃᖅᑳᖅᑐᓄᑦ ᑖᓐᓇ ᐃᓅᓯᖃᑦᑎᐊᓂᕐᒧᑦ ᐱᓕᕆᐊᖅ ᐋᖅᑭᓱᖅᑕᐅᓂᑯ ᓄᓇᖃᖅᑳᖅᑐᓄᑦ ᐃᓕᓴᐃᔨᓄᑦ, ᐃᓕᓴᕕᒻᒥ ᐃᓅᓯᓕᕆᔨᓄᑦ ᐊᒻᒪᓗ ᓄᓇᓕᓐᓂᑦ ᐱᓕᕆᐊᕐᒥ ᐃᖅᑲᓇᐃᔭᖅᑎᐅᕙᑦᑐᓄᑦ ᐱᔪᓐᓇᕐᓯᒋᐊᒃᑲᓐᓂᖁᓪᓗᒋᑦ ᐊᓪᓚᐃᑦ, ᐃᓄᐃᑦ ᐊᓪᓚᖓᔪᐃᓪᓗ ᐃᓅᓱᑦᑐᑦ ᐱᓕᕆᔪᓐᓇᕐᓯᒍᑎᒋᓂᐊᖅᑕᖏᓐᓂᒃ, ᐱᓕᕆᔾᔪᑎᔅᓴᓂᑦ ᐱᓇᓱᐊᕈᑎᔅᓴᓂᓪᓗ ᐃᑲᔫᑎᖃᕐᓂᐊᖅᑐᓂᑦ ᐃᓅᓯᖏᓐᓄᑦ) ᐊᒥᓲᓂᕐᓴᓂᑦ ᐱᔾᔪᑎᖃᕐᓗᑎᒃ. ᐊᒻᒪᓗᑦᑕᐅᖅ ᓄᕕᕐᓴᕐᓂᖅ ᐃᕙᓗᓂᑦ ᐱᓕᕆᐊᖅ ᐱᖃᓯᐅᔾᔨᓯᒪᓂᐊᕐᖓᑦ ᓄᑖᕐᒥᑦ “ᑭᒡᒐᑐᖅᑎᐅᓂᕐᒧᑦ” ᐊᑐᖅᑕᐅᖃᑦᑕᓂᐊᖅᑐᒥᒃ ᐃᓕᓐᓂᐊᑲᓐᓂᖃᑦᑕᓂᐊᕐᖓᑕ ᐊᒻᒪᓗ ᑲᒪᒋᔭᔅᓴᖃᒃᑲᓂᕐᓂᐊᕐᖓᑕ ᐃᑲᔪᖅᑎᐅᕙᑦᑐᑦ ᐊᑭᓕᕐᓱᖅᑕᐅᒐᑎᒃ.
ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᐅᑉ ᐊᑯᓂᐊᓗᒃ ᑲᑦᑐᖓᐃᕈᑎᒋᓯᒪᔭᖓᑦ ᐊᒻᒪᓗ ᖃᓄᖅᑑᕈᑎᖓᑦ ᐃᑲᔫᑎᖃᕐᓯᒪᒻᒪᑦ ᑲᓲᑎᑎᑦᑎᓂᕐᒥᒃ ᐊᒥᒐᕐᓯᒍᑕᐅᔪᒥᒃ ᐃᑲᔪᖃᑦᑕᓂᕐᒧᑦ ᐊᓪᓚᓂᑦ, ᐃᓄᓐᓂᑦ ᐊᓪᓚᖓᔪᓂᓪᓗ ᐊᑐᖅᑕᐅᔭᕆᐊᖃᓪᓚᕆᑦᑐᒥᒃ ᖃᕋᓴᐅᔭᒃᑯᑦ−ᐃᓱᒪᓕᕆᓂᕐᒧᑦ ᐃᑲᔫᑎᐅᕙᑦᑐᓄᑦ, ᐱᓗᐊᖅᑐᒥᑦ ᐊᓯᖏᑦ ᓄᓇᓕᓐᓃᑦᑐᑦ ᐱᔨᑦᑎᕋᐅᑏᑦ ᐊᑐᐃᓐᓇᐅᑎᓐᓇᒋᑦ. 2019ᖑᑎᓪᓗᒍ, ᐅᖄᓚᖃᑦᑕᕐᕕᒃ ᐋᖅᑭᔅᓱᐃᓚᐅᕐᓯᒪᔪᑦ ᓯᕗᓪᓕᕐᐹᒥ ᖃᓄᖅᑑᕈᑎᖃᕐᓂᕐᒧᑦ ᐸᕐᓇᐅᑎᖏᓐᓂᒃ ᐃᑲᔪᕈᒪᓪᓗᑎᒃ ᐃᓄᓐᓂᑦ, ᐊᓪᓚᓂᑦ ᐊᓪᓚᖓᔪᓂᓪᓗ ᐃᓅᓱᑦᑐᓂᑦ. ᐃᓚᒋᔭᐅᓪᓗᓂ ᖃᓄᖅᑑᕈᑎᔅᓴᓄᑦ ᐸᕐᓇᐅᑎᓄᑦ, ᐅᖄᓚᖃᑦᑕᕐᕕᒃ:
- ᓴᖅᑭᑎᑦᑎᓚᐅᕐᓯᒪᔪᑦ ᐊᑐᖅᑕᐅᔪᓐᓇᖅᑐᒥᒃ ᐊᓪᓚᓄᑦ, ᐃᓄᓐᓄᑦ ᐊᓪᓚᖓᔪᓄᓪᓘᓐᓃᑦ ᑲᓲᑎᓂᐊᕐᖓᑕ ᐊᓪᓚᐃᑦ, ᐃᓄᐃᑦ ᐊᓪᓚᖓᔪᐃᓪᓘᓐᓃᑦ ᑐᐊᕕᕐᓇᖅᑐᓄᑦ ᑭᐅᖃᑦᑕᓂᐊᖅᑐᓂᑦ ᐊᑐᐃᓐᓇᐅᑎᓪᓗᒋᑦ ᑎᑎᕋᖃᑦᑕᕐᓗᑎᒃ ᒪᑯᓂᖓ “FIRSTNATIONS”, “INUIT” or “METIS” ᑕᕝᕗᖓ 686868.
- ᐊᑐᐃᓐᓇᕈᖅᑎᑦᑎᓯᒪᒧᑦ ᐊᑐᖅᑕᐅᖃᑦᑕᓂᐊᖅᑐᒥᒃ ᐃᓅᓱᑦᑐᓄᑦ ᐃᑲᔪᖅᑕᐅᖃᑦᑕᓂᐊᕐᖓᑕ Nēhiyawēwin (Plains Cree) ᐊᒻᒪᓗ Anishininiimowin (Ojibwe) ᑐᑭᓕᐅᕆᔨᑎᒍᑦ.
- ᐃᑲᔫᑎᔅᓴᖃᕐᐸᑦᑐᑦ ᐅᖓᑖᓃᑦᑐᓂᑦ 5,000 ᓄᓇᖃᖅᑳᖅᑐᓄᑦ ᐃᑲᔫᑎᓂᑦ ᑎᑎᕋᖅᑕᐅᓯᒪᔪᓂᑦ ᑕᕝᕙᓂ ᐊᑐᕋᔅᓴᐃᑦ ᐅᕙᖓ ᐊᕙᑖᓃᑦᑐᑦ, ᐃᑲᔪᖅᑕᐅᓯᒪᓪᓗᑎᒃ ᑖᒃᓇᙵᑦ The Grocery Foundation – ᑖᓐᓇ ᐊᖏᓂᕐᐹᖑᓪᓗᓂ ᐱᓕᕆᖃᑎᒌᒍᑕᐅᕙᑦᑐᖅ ᐃᓅᓱᑦᑐᓄᑦ ᐃᓱᒪᓕᕆᓂᕐᒧᑦ ᐊᑐᖅᑕᐅᖃᑦᑕᕈᓐᓇᖅᑐᓂᑦ ᑕᐃᒪᐃᑦᑐᓂᑦ ᑲᓇᑕᒥ.
- ᐋᖅᑭᔅᓱᐃᓯᒪᔪᑦ ᖃᕋᓴᐅᔭᒃᑯᑦ ᐃᓱᒪᓕᕆᓂᕐᒧᑦ ᐊᒻᒪᓗ ᐃᓅᓯᖃᑦᑎᐊᓂᕐᒧᑦ ᐱᔾᔪᑎᓕᓐᓂᑦ ᐃᓅᓱᑦᑐᓄᑦ ᐱᖓᓲᔪᖅᑐᓂᑦ ᓄᓇᖃᖅᑳᖅᑐᑦ ᐅᖃᐅᓯᖏᓐᓂᑦ.
- ᐋᖅᑮᓯᒪᔪᑦ ᒪᕐᕉᓐᓂᒃ ᓄᓇᖃᖅᑳᖅᑐᓄᑦ ᐱᓕᕆᐊᓐᓂᒃ: ᖁᕕᐊᓇᕐᓂᕐᓴᐃᑦ ᐅᓪᓗᐃᑦ: ᓄᓇᖃᖅᑳᖅᑐᓄᑦ ᐃᓅᓯᖃᑦᑎᐊᓂᕐᒧᑦ ᐱᓕᕆᐊᖅ ᑖᒃᑯᓇᙵᑦ Sun Life and Weaving Threads: ᓄᓇᖃᖅᑳᖅᑐᓂᑦ ᐃᓚᒋᔭᐅᑎᑦᑎᓂᕐᒧᑦ ᐱᓕᕆᐊᖅ.
ᑐᑭᓯᑎᑦᑎᒋᐊᕈᑎᔅᓴᓕᐊᖑᓯᒪᔪᑦ
● ᐱᒋᐊᖅᑐᑎᒃ 2019, ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒃᑯᑦ ᐅᖃᖃᑎᖃᖃᑦᑕᕐᓯᒪᓂᖏᑦ ᓄᓇᖃᖅᑳᖅᑐᓂᑦ ᐃᓅᓱᑦᑐᓂᑦ ᐱᖓᓱᐊᖅᑎᖅᑐᒥᒃ ᐊᒥᓱᕈᒃᑲᓂᕐᓯᒪᒻᒪᑕ ᐊᒻᒪᓗ ᒫᓐᓇ 10 ᐳᓴᓐᑎᐸᓗᖏᑦ ᑕᒪᕐᒥᒃ ᐅᖃᖃᑎᖃᕐᓂᐅᕙᑦᑐᑦ.
● ᐱᒋᐊᖅᑐᑎᒃ 2019, ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒃ ᐃᑲᔪᕐᓯᒪᔪᑦ ᓄᓇᖃᖅᑳᖅᑐᓂᑦ ᐃᓅᓱᑦᑐᓂᑦ 47,800 ᑕᐃᒪᓐᓇᑎᒋᒃ ᐊᒥᓲᑎᒋᔪᓂᑦ ᐅᖄᓚᐅᑎᕋᓛᒃᑯᑦ ᑎᑎᕋᖃᑦᑕᓂᒃᑯᑦ ᐊᒻᒪᓗ 80,400 ᑕᐃᒪᓐᓇᑎᒋᒃ ᐊᒥᓲᑎᒋᔪᓂᑦ ᓄᓇᓕᓐᓂᑦ ᑐᓴᐅᒪᑎᑦᑎᖃᑦᑕᓂᒃᑯᑦ ᐱᓇᓱᐊᕈᑎᒋᕙᑦᑕᖏᑎᒍᑦ.
● ᐊᑯᓐᓈᕿᔪᒥᒃ, 89 ᐳᓴᓐᑎᖏᑦ ᐃᓅᓱᑦᑐᑦ ᓄᓇᖃᖅᑳᖅᑐᑦ ᐅᖃᕐᐸᑦᑐᑦ ᐅᖃᖃᑎᖃᖃᑦᑕᕐᓂᖏᑦ ᑕᕝᕘᓇ ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒃᑯᑎᒍᑦ ᐃᑲᔫᑎᖃᖃᑦᑕᕐᓯᒪᔪᑦ.
● ᑲᓇᑕᒥ ᓇᒥᓕᒫᖅ, ᐊᓪᒪᐃᑦ, ᐃᓄᐃᑦ ᐊᓪᓚᖓᔪᐃᓪᓗ ᐃᒪᐃᑦᑑᕙᑦᑐᑦ 41 ᐳᓴᓐᑎᖏᑦ ᐊᖏᕐᕋᖃᙱᑦᑐᑦ ᐃᓅᓱᑦᑐᐃᑦ, 50 ᐳᓴᓐᑎᖏᑦ ᓂᐅᕐᕈᑕᐅᖃᑦᑕᖅᑐᑎᒃ ᐊᑐᑲᒻᒪᑦᑕᐅᕙᑦᑐᑦ, 54 ᐳᓴᓐᑎᖏᑦ ᐃᓄᓱᑦᑐᐃᑦ ᐃᑲᔪᖅᑕᐅᕕᒻᒦᐸᑦᑐᑦ ᐊᒻᒪᓗ ᐃᒻᒥᓃᕐᐸᑦᑐᑦ ᐊᒥᓲᓂᖏᑦ ᐊᒥᓲᓂᕐᐹᓪᓚᕇᑦ ᓄᓇᕐᔪᐊᓕᒫᒥ ᑕᑯᓪᓗᒋᑦ.
ᐃᑲᔪᕐᓯᕆᐊᕈᑕᐅᓪᓗᑎᒃ ᐅᖃᐅᓯᐅᓯᒪᔪᑦ
“ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒻᒥ ᐃᖅᑲᓇᐃᔮᖑᕙᑦᑐᑦ ᐃᑲᔫᑎᔅᓴᖃᕈᒪᓪᓗᑎᒃ ᑕᒪᑐᒪ ᒥᔅᓵᓄᑦ, ᐊᔾᔨᒌᑎᑦᑎᔪᒥᒃ ᐊᒻᒪᓗ ᐊᑐᐃᓐᓇᐅᔪᒥᒃ ᖃᕋᓴᐅᔭᒃᑯᑦ−ᐃᓱᒪᓕᕆᓂᕐᒧᑦ ᐃᑲᔫᑎᓂᑦ ᐃᓅᓱᑦᑐᓄᑦ ᐃᓄᓐᓄᑦ, ᐊᓪᓚᓄᑦ ᐊᓪᓚᖓᔪᓄᓪᓗ ᐃᓱᓕᓚᐅᕐᓯᒪᔾᔮᖐᑦᑐᑦ. ᐊᖏᕐᓯᒪᓪᓚᕆᑦᑐᑦ ᓱᓕᔪᒥᒃ ᓴᐃᒪᖃᑎᒌᓐᓂᕐᒧᓪᓗ, ᐅᖄᓚᖃᑦᑕᕐᕕᐅᑉ ᑲᒪᒋᔭᔅᓴᖃᕐᓂᖏᑦ ᐱᓕᕆᖃᑎᖃᕐᓂᕐᒧᑦ ᑲᑐᔾᔨᖃᑎᖃᕐᓗᑎᒃ ᐊᓪᓚᓂᑦ, ᐃᓄᓐᓂᑦ, ᐊᓪᓚᖓᔪᓂᓪᓗ, ᑖᒃᑯᐊ ᐅᖄᓚᖃᑦᑕᕐᕕᐅᑉ ᐅᖃᐅᔾᔨᒋᐊᖅᑎᖏᑦ ᑲᑎᒪᔩᑦ ᓯᕗᓕᕐᓯᓪᓗᑎᒃ ᑕᒪᑐᒥᖓ, ᑕᐃᒫᒃ ᑕᒪᕐᒥᒃ ᐃᓅᓱᑦᑐᐃᑦ ᓄᓇᖃᖅᑳᖅᑐᑦ ᐊᑐᐃᓐᓇᖃᑦᑕᕐᓂᐊᖓᑕ ᖃᕋᓴᐅᔭᒃᑯᑦ−ᐃᓱᒪᓕᕆᓂᕐᒧᑦ ᐃᑲᔪᖅᑕᐅᔾᔪᑎᔅᓴᓂᑦ ᓇᒥᑐᐃᓐᓈᕋᓗᐊᕐᓗᑎᒃ ᐊᒻᒪᓗ ᐃᑲᔪᖅᑎᔅᓴᐃᓕᕿᓕᕋᐃᑉᐸᑕ” ᐅᖃᖅᑐᖅ ᑳᑕᕆᓐ Hᐊᐃ, ᐊᖏᔪᖅᑳᖅ ᐊᒻᒪ ᐊᐅᓚᑦᑎᔨᒻᒪᕿᒃ, ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒻᒥ.
“ᐱᒋᐊᖅᑎᑕᐅᓯᒪᔪᖅ ᐊᒻᒪᓗ ᐃᖏᕐᕋᐃᓇᖅᑐᖅ ᐃᓕᖅᑯᓯᖃᑎᒋᙱᑕᑦᑎᓐᓄᑦ ᐊᐅᓚᑕᐅᓂᖅ ᓱᓕ ᓱᒃᑯᑎᕆᔪᓂᑦ ᐊᑑᑎᓂᖃᖃᑦᑕᕐᖓᑦ ᐃᓱᒪᒃᑯᑦ, ᐃᑉᐱᓐᓂᐊᓂᒃᑯᑦ, ᑎᒥᒃᑯᑦ ᐊᒻᒪᓗ ᐅᑉᐱᓂᒃᑯᑦ ᐃᓅᓯᖏᓐᓂᒃ ᐃᓅᓱᑦᑐᐃᑦ ᓄᓇᖃᖅᑳᖅᑐᑦ. ᐊᑐᓕᖅᑎᑕᐅᕙᓪᓕᐊᓗᑎᒃ 2023-2026 ᓇᓂᓯᓂᕐᒧᑦ ᓂᕆᐅᒋᔭᔅᓴᒥᒃ ᖃᓄᖅᑑᕈᑏᑦ ᐸᕐᓇᐅᑏᑦ, ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒻᒥ ᐱᔨᑦᑎᕋᐅᑏᑦ ᑲᓲᑎᒍᑕᐅᖃᑦᑕᕈᓐᓇᓂᐊᕐᖓᑕ ᐃᑲᔪᕐᓗᑎᒃ ᐃᓅᓱᑦᑐᓂᑦ ᐊᓪᓚᓂᑦ, ᐃᓄᓐᓂᑦ ᐊᓪᓚᖓᔪᓂᓪᓗ ᑐᐊᕕᕐᓇᖅᑐᒥᒃ ᖃᕋᓴᐅᔭᒃᑯᑦ−ᐃᓱᒪᓕᕆᓂᕐᒧᑦ ᐃᑲᔫᑏᑦ, ᐱᓗᐊᖅᑐᒥᑦ ᐊᓯᖏᑦ ᓄᓇᓕᓐᓃᑦᑐᑦ ᐱᔨᑦᑎᕋᐅᑏᑦ ᐊᑐᓐᓇᐅᑎᓐᓇᒋᑦ” ᐅᖃᖅᑐᖅ ᑏᐋᓇ ᑕᓐHᐊᒻ, ᑐᑭᒧᐊᑦᑎᑦᑎᔨ ᓄᓇᖃᖅᑳᖅᑐᓄᑦ ᐱᓇᓱᐊᕈᑎᔅᓴᓂᑦ ᐊᒻᒪᓗ ᐊᔾᔨᒌᑦᑐᓂᕐᒧᑦ ᐱᓕᕆᐊᓂᑦ, ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒻᒥ.
“ᐊᑑᑎᓂᖏᑦ ᐃᓕᖅᑯᓯᖃᑎᒋᙱᑕᑦᑎᓐᓄᑦ ᐊᐅᓚᑦᑎᓃᑦ ᐊᓪᓚᓄᑦ, ᐃᓄᓐᓄᑦ ᐊᓪᓚᖓᔪᓄᓪᓗ ᑲᔪᓯᒻᒪᑕ ᓱᓕ, ᓯᕗᓕᖏᓐᓃᖔᖅᑐᑦ ᑭᖑᕚᖏᓐᓄᑦ ᐱᕙᓪᓕᐊᓯᒪᓪᓗᑎᒃ ᐊᒻᒪᓗ ᓵᓚᖃᕐᓯᒪᒐᑎᒃ ᐅᓇ ᐱᔪᑎᑑᓪᓗᓂ ᐊᓐᓇᐅᒪᔪᓐᓇᕐᓂᖏᓐᓄᑦ ᓄᓇᖃᖅᑳᖅᑐᑦ. 2023-2026 ᓇᓂᓯᓂᖅ ᓂᕆᐅᒋᔭᔅᓴᒥᒃ ᖃᓄᖅᑑᕈᑏᑦ ᐸᕐᓇᐅᑏᑦ ᓇᓗᓇᐃᔭᐃᓯᒪᔪᑦ ᑖᓂᖅᑐᔪᓂᑦ ᐊᒻᒪᓗ ᑎᑭᐅᑎᕕᒋᔪᓐᓇᑕᑦᑎᓐᓂᒃ ᑐᕌᒐᕐᓂᑦ ᓴᖅᑭᓂᐊᕐᖓᑦ ᓂᕆᐅᒋᔭᔅᓴᖃᕐᓂᖅ ᐃᓄᓐᓂᑦ, ᐊᓪᓚᓂᑦ ᐊᓪᓚᖓᔪᓂᓪᓗ ᐃᓅᓱᑦᑐᓂᑦ ᐊᑐᖅᑕᐅᔭᕆᐊᓕᒃ ᒪᑭᑕᑦᑎᐊᓂᐊᕐᖓᑕ ᓄᓇᕐᔪᐊᕐᒥ” ᐅᖃᖅᑐᖅ ᑭᐅᕈᓪ ᓴᓐᑲᕈᒃ, ᓄᓇᖃᖅᑳᖅᑐᓄᑦ ᐅᖃᐅᔾᔨᒋᐊᖅᑎᓄᑦ ᑲᑎᒪᔨᓂᑦ ᑲᑎᒪᔨᐅᖃᑕᖅ ᑲᑎᒪᔨᐅᖃᑕᐅᓪᓗᓂᓗ, ᑲᑎᒪᔨᓂᑦ, “ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒻᒥ.
ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᐅᑉ ᒥᓵᓄᑦ
ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᐅᑉ ᑖᓐᓇᑑᒻᒪᑦ 24/7 ᑲᓇᑕᒥ, ᖃᕋᓴᐅᔭᒃᑯᑦ−ᐃᓱᒪᓕᕆᓂᕐᒧᑦ ᐃᑲᔫᑎᒋᕙᑦᑕᖓᑦ ᐊᑭᖃᙱᑦᑐᒥᒃ, ᑐᓴᐅᒪᑎᑦᑎᒍᑕᐅᔾᔮᖏᑦᑐᒥᒃ, ᐊᒥᓱᓂᑦ−ᐅᖃᐅᓯᕐᓂᑦ ᐃᑲᔫᑎᒋᕙᑦᑕᖓᑦ ᐃᓅᓱᑦᑐᓄᑦ. ᑲᓇᑕᒥ ᖃᕋᓴᐅᔭᒃᑯᑦ ᐃᑉᐱᒍᓱᑦᑎᐊᓂᕐᒧᑦ ᑲᒪᒋᔭᖃᓪᓗᐊᑕᕐᐸᑦᑐᑕ, ᒥᓕᐊᓐᖏᓐᓃᑦᑐᓂᑦ ᐃᓅᓱᑦᑐᓂᑦ ᐊᑦᑕᓇᙱᑦᑐᒦᑎᑦᑎᕙᑦᑐᒍᑦ, ᐱᕕᖃᖅᑎᑦᑎᕙᑦᑐᒍᑦ ᑕᑎᒋᔭᐅᔪᓐᓇᖅᑐᑕ ᐃᑉᐱᓐᓂᐊᒋᔭᖏᓐᓂᒃ ᓂᓪᓕᐊᔾᔪᑎᖃᕐᓗᑎᒃ ᐅᖄᓚᐅᑎᒃᑯᑦ, ᐅᖄᓚᐅᑎᕋᓛᒃᑯᑦ ᑎᑎᕋᐅᑎᒃᑯᑦ, ᐅᕝᔭᓘᓐᓃᑦ ᐃᒻᒥᓄᑦ−ᑐᕌᖓᔪᓂᑦ ᐃᑲᔫᑎᔅᓴᓂᑦ ᖃᖓᑐᐃᓐᓴᖅ ᑐᐊᕕᕐᓇᖅᑐᒦᓕᕈᑎᒃ ᐅᕝᕙᓘᓐᓃᑦ ᐃᑲᔪᖅᑕᐅᔭᕆᐊᖃᓕᕋᐃᑉᐸᑕ. ᐃᑉᐱᓐᓂᐊᒋᔭᖏᓐᓂᒃ ᓂᓪᓕᐊᔾᔪᑎᖃᕐᓂᕐᒧᑦ ᐃᑲᔪᕐᓯᕆᐊᕈᑦ ᐊᖏᓂᕐᐹᖑᓪᓗᓂ ᑕᐃᒫᒃ ᐱᓇᓱᐊᕈᑕᐅᒻᒪᑦ ᐃᓅᓱᑦᑐᓄᑦ ᐃᓱᒪᓕᕆᓂᕐᒥᒃ ᑲᓇᑕᒥ ᐊᑐᖅᑕᐅᖃᑦᑕᕐᓯᒪᔪᓂᑦ − ᓄᐊᓴᐃᒍᑕᐅᓂᐊᕐᖓᑦ $300 ᒥᓕᐊᓐᓂᑦ ᓴᖅᑭᓂᐊᕐᖓᑦ ᓂᕆᐅᒋᔭᔅᓴᖃᕐᓂᖅ ᐃᓅᓱᑦᑐᐃᑦ ᒪᑭᑕᒍᓐᓇᓂᐊᕐᖓᑕ ᓄᓇᕐᔪᐊᖏᓐᓂ. ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒃ ᖁᔭᓕᔪᑦ ᑐᕚᖃᕈᓐᓇᖃᑦᑕᕐᖓᑕ ᐃᑲᔪᑦᑎᐊᒃᑲᐅᙳᐊᑕᕐᓯᓇᕐᓂᖏᓐᓄᑦ ᐃᑲᔪᕐᐸᑦᑐᑦ, ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᐅᕙᑦᑐᑦ, ᐊᑑᑎᕕᐅᖃᑕᐅᔪᑦ ᑲᑐᔾᔨᖃᑕᐅᕙᑦᑐᑦ, ᐊᐅᓚᑦᑎᕕᓐᓂᑦ ᑲᑐᔾᔨᖃᑕᐅᕙᑦᑐᑦ ᐊᒻᒪᓗ ᒐᕙᒪᒃᑯᑦ ᐃᖏᕐᕋᒍᑎᔅᓴᖃᖃᑦᑕᓂᐊᕐᖓᑕ ᐊᒻᒪᓗ ᑮᓇᐅᔭᖃᑦᑎᑦᑎᖃᑦᑕᓂᕐᒧᑦ ᐱᓕᕆᐊᕆᕙᑦᑕᑎᓐᓂᒃ. ᑐᑭᓯᒃᑲᓐᓂᕆᔅᓯ ᐅᕙᙵᑦ KidsHelpPhone.ca.
ᑐᑭᓯᒋᐊᒃᑲᓐᓂᕈᒪᒍᔅᓯ, ᐊᑏ ᐅᖃᕐᕕᐅᓕ:
ᐊᑮᓚ ᑕᐅᓂ
ᓱᕈᓯᕐᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᖃᑦᑕᕐᕕᒻᒥ
ᑐᓴᕋᔅᓴᓕᕆᓂᕐᒨᖓᔪᓂᑦ ᐊᒻᒪᓗ ᐃᓱᒪᑖᖑᓯᒪᔪᓂᑦ ᓯᕗᓕᕐᓯᓂᕐᒧᑦ ᐊᐅᓚᑦᑎᔨ
You can save and change the lives of young people
Thanks to our growing community, Kids Help Phone offers free, 24/7 e-mental health services to young people in Canada. Your generosity helps ensure that someone is always there when support is needed for any issue, big or small.
